|
– „114. Аллоҳнинг масжидларини уларда Аллоҳ исми зикр қилинишидан тўсадиган ва уларни хароб қилиш ҳаракатида юрадиган кимсалардан ҳам золимроқ ким бор? Ахир бу кимсалар учун ундай жойларга фақат қўрққан ҳолларида кириш жоиз эди-ку. Улар учун бу дунёда расволик, охиратда эса буюк азоб бордир. 115. Машриқ ҳам, мағриб ҳам Аллоҳникидир. Бас, қай тарафга юз бурсангиз, ўша жой Аллоҳнинг тарафидир. Шубҳасиз Аллоҳ (ҳамма томонни) қамраб олгувчи билимдондир. 116. «Аллоҳнинг боласи бор», дедилар. У Зот буларнинг бадгумонидан мутлақо покдир. Балки ер ва осмонлардаги нарсалар у Зотга тегишлидирки, ҳаммаси унга бўйсунади. 117. (У) еру осмонларни пайдо қилгувчидир. Бирор ишни ҳукм қилса унга фақатгина «Бўл» дейди, холос. Бас, у иш бўлади. 118. Билмайдиган кимсалар: «Аллоҳ бизга гапирса эди ёки бирор аломат келса эди», дейдилар. Улардан илгаригилар ҳам уларнинг гапларига ўхшаш гапларни айтишган эди. Диллари бир-бирига ўхшайди. Биз аниқ ишонадиган қавм учун оятларни аниқ баён қилдик. 119. Албатта Биз сизни ҳақ (дин) билан хушхабар элтгувчи ва огоҳлантирувчи қилиб юбордик. Дўзахилар хусусида сиз масҳул эмассиз“. [2:114-119]
Бу оятлар юқоридаги бир-бирларига сен ҳеч нарсада эмассан, дейдиган яҳудлар, насоролар ва мушрикларга тегишлидир. Улардан қайси бири бошқасининг масжидларини эгаллаб олса, у ерда Аллоҳнинг зикр қилинишидан тўсиб, уни хароб қилишга уринарди. Пайғамбар с.а.в.нинг даврларида ҳам, ундан олдин ҳам шундай қилгандилар. Яҳудлар бошқа гуруҳнинг масжидларини эгаллаб олишса, ёки ўша масжидлар уларнинг қўл остида бўлса, уларда Аллоҳнинг зикр қилинишидан тўсардилар ва уларни хароб қилишга уринардилар. Яҳудлар насороларга нисбатан ҳам, насоролар яҳудларга нисбатан ҳам худди шундай муомалада бўлардилар. Мушриклар Пайғамбар с.а.в.га нисбатан ҳам худди шундай муомалада бўлиб, Каъба уларнинг қўл остида бўлган пайтида Пайғамбар с.а.в. ва саҳобаларнинг уни тавоф қилишларига йўл бермаганди.
Бу ишни ҳозирги даврда ҳам кўриб турибмиз. Яҳудлар, насоролар, серблар, хиндуслар ва русларнинг Фаластинда, Ливанда, Боснияда, Ҳиндистонда, Кашмирда ва Чеченистонда мусулмонларга қарши олиб бораётган урушларида худди шу йўлдан бораётганлари очиқ-ошкора кўриниб турибди. Кофирлар меъзаналарни, масжидларни ғаразгўйликларидан, ичиқораликлари-дан келиб чиқиб, атайин тўпга тутяптилар, вайрон қиляптилар.
195-бет
Бетлар: 1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103 104 105 106 107 108 109 110 111 112 113 114 115 116 117 118 119 120 121 122 123 124 125 126 127 128 129 130 131 132 133 134 135 136 137 138 139 140 141 142 143 144 145 146 147 148 149 150 151 152 153 154 155 156 157 158 159 160 161 162 163 164 165 166 167 168 169 170 171 172 173 174 175 176 177 178 179 180 181 182 183 184 185 186 187 188 189 190 191 192 193 194 195 196 197 198 199 200 201 202 203 204